Tinukoy Oktubre 29, 2019, ni Tagapagsalita Geng Shuang ng Minsitring Panalabas ng Tsina, na sa mula't mula pa'y, hinihiling na ng pamahalaang Tsino ang mga kompanyang Tsino na magsagawa ng pamumuhunan at kooperasyon batay sa pandaigdigang regulasyon at lokal na batas.
Ayon pa sa ulat, itinigil ng Solomon Islands ang Kasunduan sa Paggagalugad ng mga Isla na nilagdaan ng Kompanyang Tsino at gitnang lalawigan ng Solomon Islands. Hinggil dito, ipinalabas Oktubre 25, 2019 ni Mark T. Esper, Ministrong Pandepensa ng Amerika, na ang kapasiyahan ng Solomon Islands ay katanggap-tanggap, at binatikos niya ang Tsina. Aniya, pinalalawaik ng Tsina ang impluwensiya sa paggamit ng paraang pangkabuhayan at military. Kaugnay nito, ipinahayag ni Geng na napapanatili ng kinauukulang kompanya ang komunikasyon sa Solomon Islands para maayos na hawakan ang problema.
Binigyan-diin ni Geng na sa proseso ng paghahanap ng kooperasyon at pagkakataong Komersyal, posibleng magganap ang ilang problema at normal lamang ito. Pero di-normal ang reaksyon ng Amerika, aniya. Gustong malaman ng Tsina ang totoong dahilan ng pagkabalisa ng Amerika, dagdag ni Geng. Ito ba ay para sa mga mamamayan ng mga bansang isla ng Pasipiko o pansariling heopolitika na interes?
Salin:Sarah
