Tashkent, Uzbekistan—Nakipagtagpo nitong Sabado, Nobyembre 2, 2019 si Premyer Li Keqiang ng Tsina kay Askar Mamin, Punong Ministro ng Kazakhstan na kalahok sa Pulong ng Konseho ng Puno ng Pamahalaan (Punong Ministro) ng Shanghai Cooperation Organization (SCO).
Saan ni Li, nananatiling mainam ang tunguhin ng pag-unlad ng relasyon ng Tsina at Kazakhstan. Aniya, malakas ang pagkokomplemento ng dalawang bansa, at napakalaki ng nakatagong lakas ng pag-unlad. Nakahanda ang Tsina na pasulungin ang pagsasakatuparan ng kooperasyon ng kapuwa panig sa iba't ibang larangan ng sustenableng pag-unlad, walang humpay na palakasin ang kalakalan, palalimin ang kooperasyon sa mga larangang gaya ng enerhiya, production capacity at iba pa, ayon sa mga simulain ng pagsasapamilihan, at pasulungin ang pag-unlad ng relasyon ng dalawang bansa sa bagong antas, dagdag ni Li.
Ipinahayag naman ni Mamin na mabilis na umuunlad ang relasyong Sino-Kazakh, at walang humpay na lumalaki ang halaga ng bilateral na kalakalan. Nakahanda aniya ang kanyang bansa na palakasin ang pakikipagtulungan sa panig Tsino sa iba't ibang larangan, at pasulungin ang pagtatamo ng bilateral na relasyon ng mas maraming resultang may mutuwal na kapakinabangan at win-win result.
Salin: Vera
