Ayon sa estadistikang inilabas ngayong araw, Biyernes, ika-8 ng Nobyembre 2019, ng Pangkalahatang Administrasyon ng Adwana ng Tsina, noong unang sampung buwan ng taong ito, mahigit 25.6 trilyong yuan RMB ang kabuuang halaga ng pagluluwas at pag-aangkat ng kalakalan ng mga paninda ng bansa. Mas malaki ito nang 2.4% kumpara sa gayun ding panahon ng nagdaang taon.
Ayon pa rin sa estadistika, mainam ang kalagayan ng kalakalang panlabas ng Tsina sa Unyong Europeo, Association of Southeast Asian Nations (ASEAN), at mga bansa sa kahabaan ng Belt and Road. Kabilang dito, ang kabuuang halaga ng kalakalan ng Tsina sa mga bansang ASEAN ay lumaki ng 11.9% kumpara sa nagdaang taon.
Salin: Liu Kai