Ipinagdiinan nitong Biyernes, Nobyembre 8, 2019 ni Xi Jinping, Pangkalahatang Kalihim ng Komite Sentral ng Partido Komunista ng Tsina (CPC), Tagapangulo ng Central Military Commission ng CPC at Pangulo ng bansa, na buong sikap na itatatag ang Hukbong Panghimpapawid ng People's Liberation Army (PLA) bilang primera klaseng hukbo sa daigdig.
Winika ito ni Xi sa kanyang pagdalo sa aktibidad bilang pagdiriwang sa ika-70 anibersaryo ng pagkakatatag ng Hukbong Panghimpapawid ng PLA.
Tinukoy ni Xi na nitong nakalipas na 70 taon, sa ilalim ng pamumuno ng CPC, kapansin-pansing tagumpay ang natamo ng mga opisyal at sundalo ng hukbong panghimpapawid, sa aspekto ng konstruksyon ng hukbo, at napakalaking ambag ang ginawa nila para sa pangangalaga sa soberanya, seguridad at kapakanang pangkaunlaran ng bansa. Aniya, ang Hukbong Panghimpapawid ng PLA ay mapagkakatiwalaang hukbo ng partido at mga mamamayan.
Bumisita rin si Xi sa pagtatanghal bilang pagdiriwang sa okasyong ito.
Salin: Vera