Dumating kagabi, local time, Linggo, ika-10 ng Nobyembre 2019, ng Athens, Greece, si Pangulong Xi Jinping ng Tsina, para pasimulan ang kanyang dalaw-pang-estado sa bansang ito.
Sa paliparan, inihandog ni Ministrong Panlabas Nikos Dendias ng Greece ang seremonya ng panalubong kina Xi at Unang Ginang Peng Liyuan.
Sa kanya namang talumpati, ipinahayag ni Xi ang pag-asang sa pamamagitan ng pagdalaw na ito, maitatakda, kasama ng mga lider na Griyego, ang blueprint ng pag-unlad ng kooperasyon ng Tsina at Greece sa hinaharap, at mabubuksan ang bagong kabanata ng komprehensibo at estratehikong partnership ng dalawang bansa.
Salin: Liu Kai