Dumating nitong Linggo ng gabi, Nobyembre 10, 2019 ng Eleftherios Venizelos International Airport, Greece si Pangulong Xi Jinping ng Tsina, para pasimulan ang kanyang dalaw-pang-estado roon. Kaugnay nito, nakatutok sa nasabing pagdalaw ang mga pangunahing media ng Greece.
Ayon sa Athens News Agency, ipinahayag ni Pangulong Prokopis Pavlopoulos ng Greece na ang pagdalaw ni Xi ay magandang pagkakataon para sa ibayo pang pagpapalalim ng bilateral na relasyon, at makakapagpatingkad ng bagong lakas-panulak sa kooperasyon ng dalawang bansa sa iba't ibang larangang kinabibilangan ng pulitika, kabuhayan at kultura. Anito pa, ang pagbubukas ng bagong tsanel ng kalakalan at pagtatapos ng proyekto ng konektibidad ay makakapagpasulong sa ibayo pang pag-unlad ng relasyong pangkabuhaya't pangkalakalan ng dalawang bansa.
Tinukoy naman ng komentaryo ng pahayagang "Ta Nea" na kung gusto ng anumang bansa na makipagkooperasyon sa pamumuhunan sa malaking bansa, tulad ng Tsina, ang pinakamagandang paraan ay sumali sa konstruksyon ng Belt and Road.
Salin: Vera