Mula ika-13 hanggang ika-14 ng Nobyembre, 2019, idaraos sa Brasilia, kabisera ng Brazil, ang Ika-11 Summit ng Brazil, Rusya, India, Tsina at South Aprika (BRICS). Sa kanyang panayam sa China Media Group (CMG), ipinahayag ni Tereza Cristina, Ministro ng Agrikultura, Industriyang Pampastulan at Suplay ng Pagkain ng Brazil, ang pag-asang sa pamamagitan ng pagdaraos ng nasabing summit, ibayo pang mapapalakas ang kooperasyon ng kanyang bansa sa Tsina sa larangan ng agrikultura.
Aniya, sa panahon ng gaganaping summit ng BRICS, pasusulungin ng mga lider ng limang bansa ang kooperasyon sa maraming larangan, at ibayo pang palalalimin ang partnership sa larangan ng agrikultura at industriyang pampastulan.
Positibo si Cristina sa prospek ng mekanismo ng kooperasyon ng BRICS. Aniya, maaaring isakatuparan ng limang bansa ng BRICS ang komong kaunlaran sa iba't ibang larangan. Dagdag niya, ang pamumuhunan ng Tsina sa Brazil ay malaking nakapagpasulong sa pag-unlad sa konstruksyon ng imprastruktura, enerhiya at iba pang larangan. Walang humpay din aniyang lumalalim ang partnership ng dalawang bansa.
Salin: Vera