Nakipagtagpo Nobyembre 13, 2019, sa Brasilia ng Brazil, si Pangulong Xi Jinping ng Tsina kay Pangulong Vladmir Putin ng Rusya.
Tinukoy ni Xi na ang taong ito ay mahalagang taon para sa Tsina at Rusya, ang maringal na pagdiriwang sa Ika-70 anibersaryo ng pagkakatatag ng relasyong diplomatiko ng dalawang bansa ay nagpasulong ng relasyong Sino-Ruso sa bagong lebel na historikal. Binigyan-diin niya na dapat patuloy na magkasamang magsikap ang dalawang panig para panatilihin ang malusog at aktibong tunguhin ng pag-unlad ng relasyong Sino-Ruso, walang humpay na matamo ang bagong bunga para magdulot ng benepisyo para sa mga mamamayan ng dalawang bansa at buong daigdig.
Sinabi din ni Xi na masalimuot ang kasalukuyang kalagayang pandaigdig, dapat mahigpit na magkooperasyon ang Tsina at Rusya para mapangalagaan ang soberanya at kaligtasan ng bansa at magkasamang likhain ang makatuwirang kapaligirang pandaigdig . Dapat patuloy na palawakin ang bilateral na kalakalan, pasulungin ang pag-uugnay ng Belt and Road Initiative (BRI) at Eurasian Economic Union. Bukod dito, buong lakas na sinusuportahan ng Tsina ang Rusya na magdaraos ng Pagtatagpo ng mga lider ng BRICS at Shanghai Cooperation Orgnization Summit sa susunod na taon.
Ipinahayag naman ni Putin na matatag ang relasyon ng Tsina at Rusya at hindi maaapektuhan ito ng anumang elementong panlabas. Mabuti ang tunguhin ng pag-unlad ng relasyong Sino-Ruso at malawak ang kinabukasan nito. Ang Tsina at Rusya ay totoong komprehensibong estratehikong partners, na mayroong mahalagang komong palagay at kapakanan sa pangangalaga sa estratehikong kaligtasan at katatagan ng buong daigdig at iba pang larangan. Sa ilalim ng kasalukuyang kalagayan, dapat patuloy na pahigpitin ng dalawang panig ang estratehikong koordinasyon, buong tatag na suportahan ang isa't isa sa pangangalaga ng soberanya, kaligtasan at pag-unlad.
Malalim na nagpalitan ang mga lider ng Tsina at Rusya ng palagay hinggil sa nga isyung panrehiyon at pandaigdig na kapuwa nilang pinahahalagahan.
Salin:Sarah
