|
||||||||
|
||
Nakipagtagpo Nobyembre 14, 2019, sa Vientiane ng Laos, si Pangulong Bounhang Vorachith ng Laos kay Wei Fenghe, dumadalaw na Ministro ng Tanggulang Bansa ng Tsina.
Taos pusong binabati ni Bounhang ang dakilang bunga na natamo ng Tsina nitong nakaraang 70 taon sapul nang itatag ang Republika ng Bayan ng Tsina, at pinasalamatan ang suporta at tulong na ipinagkakaloob ng Partido Komunista ng Tsina (CPC), pamahalaan at tropa, sa Laos. Ipinahayag din niya na buong lakas na kinakatigan ng kanyang bansa ang mas malalim na pagpapalitan ng mga tropa ng dalawang panig sa iba't ibang antas.
Sinabi ni Wei na malusog ang pag-unlad ng relasyon ng Tsina at Laos, at marami ang bunga ng pagpapalitan ng dalawang panig sa iba't ibang larangan. Nakahanda ang Tsina na patuloy na magsikap, kasama ng Laos, para isakatuparan ang mahalagang komong palagay na narating ng mga lider ng dalawang bansa, palakasin ang estratehikong koordinasyon, palalimin ang aktuwal na kooperasyon at pahigpitin ang multilateral na koordinasyon.
Salin:Sarah
© China Radio International.CRI. All Rights Reserved. 16A Shijingshan Road, Beijing, China. 100040 |