Ipinahayag Nobyembre 20, 2019, sa regular na preskon, ni Tagapagsalita Geng Shuang ng Ministring Panlabas ng Tsina na, ang Tsina at Rusya ay mayroong komong kapakanan sa pangangalaga sa soberanya at kaligtasan ng bansa, katatagan at kaayusan ng lipunan, at pagtutol sa pakikialam mula sa labas. Ayon sa komong palagay na narating ng mga lider ng dalawang panig, buong tatag na palalalimin ng Tsina at Rusya ang komprehensibong estratehikong partnership sa bagong panahon, lalo pang isasagawa ang pagpapalitan, susuportahan ang isa't isa, aktibong isasagawa ang kooperasyon kontra-panghihimasok, para magkasamang mapangalagaan ang komong kapakanan ng dalawang bansa, at kapayapaan at kaligtasan ng buong daigdig.
Ayon sa ulat, ipinahayag Nobyembre 19, 2019, ng kinauukulang namamahalang tauhan ng Rusya na idaraos Nobyembre 25, 2019, dito sa Beijing, ang talakayan ng manbabatas ng Rusya at mga miyembro ng Pambansang Kongresong Bayan ng Tsina (NPC), hinggil sa pagpigil sa mga puwersang panlabas na makialam sa mga suliraning panloob ng soberanong bansa.
Salin:Sarah
