Pagkatapos ng Ika-4 na "1+6" Roundtable, magkakasamang humarap sa media si Premyer Li Keqiang ng Tsina at ang mga lider ng 6 na pangunahing pandaigdigang organong pangkabuhaya't pinansyal na kinabibilangan nina Presidente David Malpass ng World Bank, Managing Director Kristalina Georgieva ng International Monetary Fund, Pangalawang Direktor-Heneral Alan Wolff ng World Trade Organization, Direktor-Heneral Guy Ryder ng International Labor Organization, Pangkalahatang Kalihim Angel Gurria ng Organization for Economic Cooperation and Development, at Tagapangulong Randal Quarles ng Financial Stability Board.
Isinalaysay ni Li na batay sa temang "Pagpapasulong sa Pagbubukas, Katatagan at De-kalidad na Paglago ng Kabuhayang Pandaigdig," nagpalitan ng kuru-kuro ang mga kalahok tungkol sa mga paksang kinabibilangan ng pagtanaw sa kabuhayang pandaigdig, global economic governance, pag-unlad ng kabuhayang Tsino at iba pa, at nagkaroon ng bagong komong palagay. Aniya, buong pagkakaisang ipinalalagay ng iba't ibang panig na dapat igiit ang multilateralismo malayang kalakalan, pangalagaan ang globalisasyong pangkabuhayan at multilateral na sistemang pangkalakalan na ang batayan nito ay mga alituntunin, at palakasin ang pandaigdigang kooperasyon.
Ipinahayag naman ng mga lider ng nasabing 6 na organo na ang "1+6" Roundtable ay modelo ng magkakasamang pagharap ng iba't ibang panig sa mga hamong pandaigdig, at nagpadala ito ng positibong signal ng pagkatig sa multilateralismo.
Salin: Vera