Idinaos kahapon, Lunes, ika-25 ng Nobyembre 2019, sa Hanoi, ang seremonya ng pagpapalabas ng white paper hinggil sa tanggulang bansa ng Biyetnam. Ito ang bagong bersyon ng white paper na ito, na naunang inilabas noong 2009.
Ayon kay Nguyen Chi Vinh, Pangalawang Ministro ng Tanggulang Bansa ng Biyetnam, nakalakip sa kasalukuyang white paper ang patakaran ng "apat na hindi," ibig sabihin: una, hindi lalahok sa alyansang militar; ikalawa, hindi aayon sa isang bansa para labanan ang ibang bansa; ikatlo, hindi pahihintulutan ang pagtatayo ng ibang bansa ng baseng militar sa Biyetnam o paggamit ng teritoryo ng Biyetnam para labanan ang ikatlong bansa; at ikaapat, hindi gagamitin ang dahas, o magbabantang gagamitin ang dahas sa relasyong pandaigdig.
Salin: Liu Kai