Hinggil sa CRIHinggil sa Serbisyo Filipino
   

Komisyon ng Nasyonalidad at Relihiyon ng CPPCC, mariing kinondena ang pakikialam ng Amerika sa mga suliranin ng Xinjiang

(GMT+08:00) 2019-12-06 11:42:07       CRI

Nagpulong Huwebes ng hapon, Disyembre 5, 2019 ang Komisyon ng Nasyonalidad at Relihiyon ng Pulitikal na Konsultatibong Kapulungan ng mga Mamamayang Tsino (CPPCC) kung saan ipinahayag ang mariing pagkondena sa pagpapatibay ng Mababang Kapulungan ng Amerika sa Uyghur Human Rights Policy Act of 2019.

Tinukoy ng mga kagawad na sinasadyang bahiran ng panig Amerikano ang pagsisikap ng Tsina sa deradikalisasyon at pagbibigay-dagok sa terorismo, at lantarang sumusuporta sa iba't ibang uri ng aktibidad ng pagsira, marahas at teroristikong aktibidad, mapangwatak na aktibidad, at ekstrimistikong aktibidad na panrelihiyon. Ang ganitong aksyon ng walang pasubaling pakikialam sa mga suliraning panloob ng Tsina, at latarang pagyurak sa moral baseline ay masamang pagpapakita ng hegemonismo.

Diin ng mga kagawad, ang pangangalaga sa katatagan ng lipunan at pangmalayuang seguridad ng Xinjiang ay mithiin ng mga mamamayan. Ang deradikalisasyon at pagbibigay-dagok sa terorismo ay layong alisin ang mga hadlang sa pagsasakatuparan ng mga mamamayan ng iba't ibang lahi sa Xinjiang ng magandang pamumuhay, at hanapin ang may-harmonya't malusog na pag-unlad ng Xinjiang.

Saad ng mga kagawad, hinding hindi nila pahihintulutan ang pakikialam sa mga suliraning panloob ng Tsina at pagpipilipit sa katotohanan. Anila, tiyak na ibayo pang patitibayin at pauunlarin ang bunga ng deradikalisasyon at pagbibigay-dagok sa terorismo ng Xinjiang, at hinding hindi mahahadlangan ng anumang puwersa ang hakbang ng Xinjiang tungo sa nagkakaisa, maharmonya, masagana, mayaman, sibilisado, at maligayang kinabukasan.

Salin: Vera

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>