|
||||||||
|
||
Sa kanyang pagbisita sa Palestina, inulit nitong Linggo, Disyembre 8, 2019 ni Zhai Jun, Espesyal na Sugo ng pamahalaang Tsino sa isyu ng Gitnang Silangan, ang paninindigan ng Tsina sa isyu ng Palestina at Israel. Nanawagan siya sa iba't-ibang bansa na pasulungin ang prosesong pangkapayapaan ng Gitnang Silangan sa pundasyon ng pandaigdigang norma.
Sinabi ni Zhai na hinahangaan at kinakatigan ng panig Tsino ang estratehikong pagpili ng Palestina na lutasin ang kaukulang isyu sa pamamagitan ng talastasang pangkapayapaan. Naninindigan aniya ang panig Tsino na sa pundayson ng mga pandaigdigang pagkakasundo at norma, at sa pamamagitan ng pantay na diyalogo, malulutas ang mga pagkakaiba ng Palestina at Israel at mahahanap ang kalutasang katanggap-tanggap para sa dalawang panig.
Ani Zhai, patuloy na kakatigan ng panig Tsino ang makatarungang usapin ng mga mamamayang Palestino para hanapin ang lehitimong karapatan ng nasyon. Bukod dito, dapat igalang ang makatwirang pagkabahala ng Israel sa isyung panseguridad, dagdag pa niya.
Salin: Li Feng
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |