Inilabas kamakailan ng China Global Television Network (CGTN) ang dalawang dokumentaryo sa wikang Ingles hinggil sa paglaban ng Xinjiang sa terorismo na may pamagat na "Fighting Terrorism in Xinjiang" at "The Black Hand -- ETIM and Terrorism in Xinjiang." Sa makatotohanang paraan, ipinakikita ng dalawang dokumentaryo ang mararahas na aksyong ginawa ng mga terorista at ekstrimistang panrelihiyon sa Xinjiang. Ipinakita rin sa mga ito ang tunay na kalagayan ng paglaban sa terorismo at deradikalisasyon sa Xinjiang.
Sa kabila nito, selektibo pa ring nagbubulag-bulagan ang ilang media at pulitikong kanluranin, at nagkukunwaring bingi at pipi sa mga ito. Sa katwiran ng karapatang pantao, sinisiraang-puri ng nasabing mga media at pulitiko ang patakaran ng Tsina sa pangangasiwa sa Xinjiang, sumusuporta sa mga marahas, teroristiko at ekstrimistikong aksyon na nagaganap sa Xinjiang, at higit sa lahat, pinangangalagaan ang mga radikal at terorista. Ang ganitong selektibong pagbubulag-bulagan ay nakakasira sa pandaigdigang kooperasyon laban sa terorismo, at nagpapadala ng napakamapanganib na signal upang sumulong ang pandaigdigang puwersang teroristiko.
Ang mapayapa, matatag at masaganang kalagayan ng paglaban sa terorismo sa Xinjiang, at ginawang ambag nito para sa pandaigdigang kooperasyon laban sa terorismo ay hinding hindi mapapabulaanan ng anumang tsismis at paninirang-puri. Hinihimok ng Xinjiang, Tsina ang ilang pulitikong kanluranin na huwag suportahan ang terorismo at ekstrimismo, dahil salungat ito sa moral at makatarungang basehan ng sangkatuhan. Tiyak na may kabayaran ang ganitong katakut-takot na aksyon, sa malapit o malayong hinaharap.
Salin: Vera
