|
||||||||
|
||
Muling binatikos kamakailan ni Mike Pompeo, Kalihim ng Estado ng Amerika, ang Tsina na umano'y "pang-aapi" sa mga personaheng panrelihiyon at pambansang minoriya at "paglapastangan" sa kalayaan ng mga mamamayan.
Bilang tugon, ipinahayag nitong Miyerkules, Disyembre 11, 2019 ni Tagapagsalita Hua Chunying ng Ministring Panlabas ng Tsina, na walang anumang kuwalipikasyon ang kasalukuyang Amerika na magsalita tungkol sa karapatang pantao at moralidad sa Tsina.
Sinabi ni Hua na ang Tsina ay hindi lamang nakalikha ng himala sa kasaysayan ng pag-unlad ng sangkatauhan, kundi nakapagbigay pa ito ng napakalaking ambag para sa pag-unlad ng pandaigdigang usapin ng karapatang pantao na buong pagkakaisa itong hinahangaan ng iba't-ibang bansa sa daigdig.
Dagdag pa niya, sa kasalukuyang Amerika, malubha ang mga human rights problems na tulad ng diskriminasyong panlahi. Bukod dito, nanghihimasok aniya ang Amerika sa mga suliraning panloob ng ibang bansa at pinupukaw ang "Color Revolution" at paglilipat ng kapangyarihan, at walang tigil nitong inilulunsad ang mga giyera sa mga bansang gaya ng Iraq, Syria, at Afghanistan na pumapatay ng mga inosenteng sibilyan.
Salin: Li Feng
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |