Sa regular na preskon na idinaos Disyembre 11, 2019, sa Beijing, ipinahayag ni Hua Chunying, Tagapagsalita ng Ministring Panlabas ng Tsina na, buong tatag na tinututulan ng Tsina ang paggamit ng Amerika sa Tsina bilang dahilan sa isyu ng denuklearisasyon, pagbawas sa sariling responsibilidad nito bilang bansang may pinakamalaking arsenal ng sandatang nuclear.
Ayon pa sa ulat, sa pakikipag-usap kay Ministrong Panlabas Sergei Lavrov ng Rusya, sinabi ni Mike Pompeo, Kalihim ng Estado ng Amerika, na dapat palawakin ang diyalogo ng arms control na isama agn Tsina dito.
Binigyan-diin ni Hua na nakahanda ang Tsina na patuloy na talakayin, kasama ng iba't ibang kinauukulang panig, ang hinggil sa tema na kaugnay ng estratehikong katatagan ng buong mundo, para magbigay ng positibong ambag para sa kapayapaan at katatagan ng daigdig.
Salin:Sarah