Nanjing, Lalawigang Jiangsu ng Tsina—Itinaguyod Biyernes ng umaga, Disyembre 13, 2019 ng Komite Sentral ng Partido Komunista ng Tsina (CPC) at Konseho ng Estado ang pambansang seremonya ng pagdambana sa mga biktima sa Nanjing Massacre.
Dumalo sa nasabing seremonya ang mahigit 8,000 kinatawan ng iba't ibang sikulo ng lipunan. Nakatindig sila sa silent tribute sa mga biktima, at naghandog ng korona.
Sinabi sa seremonya ni Huang Kunming, Kagawad ng Pulitburo at Ministro ng Publicity Department ng Komite Sentral ng CPC, na ang pagdaraos ng ganitong seremonya ng pagdambana ay para magpahayag ng matatag na paninindigan ng mga mamamayang Tsino na tandaan ang kasaysayan, di-kalimutan ang nakaraan, pahalagahan ang kapayapaan, at maghawan ng landas tungo sa hinaharap. Nagpakita rin aniya ito ng marangal na hangarin sa paggigiit sa landas ng mapayapang pag-unlad.
Salin: Vera