Dumalo gabi ng Huwebes, ika-19 ng Disyembre 2019, sa Macao, si Pangulong Xi Jinping ng Tsina, sa bangketeng panalubong na inihandog ng pamahalaan ng Espesyal na Rehiyong Administratibo ng Macao (MacaoSAR).
Sa kanyang talumpati sa bangkete, sinabi ni Xi, na nitong 20 taong nakalipas sapul nang bumalik sa inangbayan, mabilis ang pag-unlad ng kabuhayan ng Macao, malaki ang pagpapabuti ng pamumuhay ng mga mamamayan, at mataas ang dignidad at karangalang tinatamasa ng mga kababayang taga-Macao mula sa inangbayan.
Dagdag ni Xi, ang malaking tagumpay at makasaysayang pagbabagong natamo ng Macao sa aspekto ng pagpapaunlad ng kabuhayan at lipunan ay bunga ng pagsasagawa ng patakarang Isang Bansa Dalawang Sistema, pagsuporta ng pamahalaang sentral at mainland, pagpapatupad ng mga tungkulin ng pamahalaan ng MacaoSAR, at pagpupunyagi ng iba't ibang sirkulo ng Macao.
Salin: Liu Kai