Great Hall of the People, Beijing — Sa kanyang pakikipagtagpo nitong Lunes, Disyembre 23, 2019 kay Punong Ministro Shinzo Abe ng Hapon, tinukoy ni Pangulong Xi Jinping ng Tsina, na kasalukuyang nahaharap ang relasyong Sino-Hapones sa mahalagang pagkakataon ng pag-unlad. Aniya, para sa maayos na paghawak sa relasyong ito sa bagong siglo, dapat tiyakin ng dalawang panig ang estratehikong pagkakasundo, tumpak na hawakan ang tamang direksyon, palawakin ang pragmatikong kooperasyon, palakasin ang pagpapalitan sa mga larangang gaya ng kultura, pahigpitin ang pagtitiwalaang panseguridad, at ipakita ang responsibilidad sa daigdig.
Diin ng Pangulong Tsino, nakahanda ang panig Tsino na panatilihin ang mahigpit na pakikipagkoordinahan sa panig Hapones para mapasulong pa ang relasyong Sino-Hapones at makapaghatid ng mas maraming benepisyo sa kanilang mga mamamayan.
Ipinahayag naman ni Abe na mainam ang tunguhin ng pag-unlad ng relasyong Hapones-Sino. Ang pag-unlad ng relasyon ng dalawang bansa ay may mahalagang katuturan para sa kapayapaan, katatagan, at kasaganaan ng rehiyong ito at buong daigdig, aniya pa.
Salin: Li Feng