Ayon sa press communique na inilabas nitong Linggo, Enero 5, 2020 ng palasyong pampanguluhan ng Pransya, nag-usap nang araw ring iyon sa telepono sina Pangulong Emmanuel Macron ng Pransya at Pangulong Donald Trump ng Amerika hinggil sa maigting na kalagayan sa rehiyon ng Gitnang Silangan.
Anang komunike, ipinahayag ni Macron ang pagkabahala ng kanyang bansa sa paglala ng maigting na kalagayan sa Iraq at Gitnang Silangan. Ani Macron, magsisikap ang Pransya, kasama ng rehiyon at komunidad ng daigdig, para mapahupa ang kalagayan ng Gitnang Silangan.
Saad ni Macron, sa paunang kondisyon ng lubos na paggalang sa soberanya ng Iraq, dapat gawing priyoridad ng mga tungkulin ng alyansang pandaigdig ang patuloy na pagbibigay-dagok sa ekstrimistikong organisasyong "Islamic State (IS)," upang maigarantiya ang seguridad ng Iraq at katatagan ng rehiyon.
Salin: Vera