Kaugnay ng katatapos na halalan para sa liderato ng Taiwan, sinabi kahapon, Sabado, ika-11 ng Enero 2020, sa Beijing, ni Ma Xiaoguang, Tagapagsalita ng Tanggapan sa Gawain ng Taiwan ng Komite Sentral ng Partido Komunista ng Tsina at Tanggapan sa mga Suliranin ng Taiwan ng Konseho ng Estado ng Tsina, na maliwanag at konsistente ang patakaran ng Chinese mainland sa Taiwan.
Sinabi ni Ma, na igigiit ng mainland ang patakarang "Mapayapang Reunipikasyon," at "Isang Bansa Dalawang Sistema." Patuloy na isasagawa ng mainland ang prinsipyong Isang Tsina, pangangalagaan ang soberanya at kabuuan ng teritoryo ng bansa, tututulan ang anumang porma ng separatistang tangka at aksyon ng "pagsasarili ng Taiwan," at daragdagan ang kapakanan at kabiyayaan ng mga kababayang Taywanes, dagdag ni Ma.
Salin: Liu Kai