Hinggil sa CRIHinggil sa Serbisyo Filipino
   

Xi Jinping at Aung San Suu Kyi, nag-usap; Apat na mungkahi sa pagpapasulong ng relasyon ng Tsina at Myanmar, iniharap ni Xi

(GMT+08:00) 2020-01-18 16:30:11       CRI

Nay Pyi Taw — Sa kanyang pakikipag-usap Sabado ng umaga, Enero 18 (local time), 2020 kay State Counselor Aung San Suu Kyi ng Myanmar, ipinahayag ni Pangulong Xi Jinping ng Tsina, na sa kasalukuyan, kapwang nakapasok ang Tsina at Myanmar sa bagong yugto ng pag-unlad ng bansa, at kinakaharap ng bilateral na relasyon ang bagong pagkakataon ng pag-unlad. Aniya, ipinasiya ng dalawang panig na magkasamang itatag ang Komunidad ng Pinagbabahaginang Kapalaran ng Tsina at Myanmar para pasimulan ang bagong siglo ng kanilang bilateral na relasyon.

Kaugnay nito, iniharap ni Pangulong Xi ang apat na mungkahing kinabibilangan ng una, dapat pabilisin ang koneksyon ng estratehiyang pangkaunlaran ng dalawang panig, at itatag nang mabuti ang China-Myanmar Economic Corridor (CMEC); ikalawa, dapat ipokus ng dalawang panig ang mga pangunahing proyekto, at palakasin ang konektibidad; ikatlo, dapat palawakin ang kalakalan at pamumuhunan ng dalawang bansa, at palalimin ang kooperasyong lokal; ikaapat, dapat palalimin ang pagpapalitang pangkultura, at pasulungin ang koneksyon ng mga puso ng mga mamamayan ng dalawang bansa.

Ipinahayag naman ni Aung San Suu Kyi na lubos na pinahahalagahan ng kanyang bansa ang pagkakaibigang Myanmar-Sino. Aniya, malaking bunga ang natamo ng biyaheng ito ni Xi na makakapagpalalim nang malaki sa pagkakaibigan, at makakapagpasulong sa pragmatikong kooperasyon ng dalawang bansa. Nakahanda ang Myanmar na magsikap kasama ng Tsina para magkasamang itatag ang Komunidad ng Pinagbabahaginang Kapalaran ng Myanmar at Tsina at makapaghatid ng mas maraming benepisyo sa kanilang mga mamamayan.

Pagkatapos ng pag-uusap, magkasamang dumalo ang dalawang lider sa seremonya ng paglalagda sa mga dokumento ng bilateral na kooperasyon na may kaugnayan sa pulitika, kabuhayan at kalakalan, pamumuhunan, at kultura.

Salin: Li Feng

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>