|
||||||||
|
||
Ipinahayag ni Pangulong Xi Jinping ng Tsina ang pagbati sa mga taga-nayon ng grupong etnikong Wa sa lalawigang Yunnan, sa dakong timog-kanluran ng Tsina, dahil sa pagkahulagpos sa karalitaan.
Ipinahayag ito ni Xi sa kanyang paglalakbay-suri nitong Linggo, Enero 19, sa Simola Wa Village, Tengchong City, Yunnan, bago ang Chinese New Year na natatapat sa Enero 25. Ang Chinese New Year o Spring Festival ay ang pinakamahalagang kapistahan ng nasyong Tsino, at sa 2020, ito ay natatapat sa Enero 25.
Si Xi, kasama ng mga taga-nayon ng grupong etnikong Wa
Sa taong ito, inaasahang matutupad ng Tsina ang misyon ng pagtatatag ng may kaginhawahang lipunan sa mas mataas na antas sa iba't ibang aspekto. Kasabay nito, mapupuksa ang kahirapan sa buong Tsina, sa 2020.
Inulit ni Xi ang kahalagahan ng pagpapasulong ng kasiglahan sa kanayunan ng bansa, sa pamamagitan ng pagpapaunlad ng industriya at kabuhayang lokal, para patuloy na mapabuti ang pamumuhay ng mga mamamayan.
Salin: Jade
Pulido: Rhio
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |