Idinaos Enero 20, 2020, sa Diaoyutai State Guesthouse dito sa Beijing, ni Ministrong Panlabas Wang Yi ng Tsina, ang resepsiyong pambagong taon sa 2020. Lumahok sa resepsiyon ang 400 tao na kinabibilangan ng mga embahador ng iba't ibang bansa at organisasyong pandaigdig sa Tsina, mga namamahalang tauhan ng mga kinauukulang departamentong Tsino at iba pa.
Sa kanyang talumpati, ipinahayag ni Wang na ang 2019 ay Ika-70 Anibersaryo ng Pagkakatatag ng Republika ng Bayan ng Tsina. At ang 2020 ay mahalagang taon para sa Tsina. Sa ilalim ng patnubay ni Pangulong Xi Jinping ng Tsina, patuloy na tatahak ang Tsina sa landas ng mapayapang pag-unlad, at magbibigay ng bagong ambag para sa kapayapaan ng buong daigdig.
Sa ngalan ng mga delegasyong dayuhan sa Tsina, ipinahayag ni Khek C. Sydoda, Embahadaor ng Kambodya sa Tsina at Puno ng Delegasyon ng mga Embahador na dayuhan sa Tsina, ang pagbati sa mga mamamayang Tsino. Ipinahayag niya na marami ang bunga ng diplomasiya ng Tsina, at nananalig siyang sa pamumuno ng Partido Komunista ng Tsina, tiyak na matatamo ng Tsina ang mas malaking tagumpay.
Salin:Sarah