Ipinahayag Enero 20, 2020, sa Jakarta, Indonesiya, ni Lim Jock Hoi, Pangkalahatang Kalihim ng Association of Southeast Asian Nations (ASEAN), na lubos na pinahahalagahan ng ASEAN ang relasyon nito sa Tsina at mahalagang papel ng Tsina sa kooperasyon sa Silangang Asya. Nakahanda aniya ang ASEAN na patuloy na magsikap, kasama ang Tsina, para pasulungin ang bagong pag-unlad ng estratehikong partnership ng dalawang panig.
Ipinahayag ito ni Lim sa pagtanggap niya ng credentials letter ni Deng Xijun, bagong Embahador na Tsino sa ASEAN. Ipinahayag naman ni Deng na sa kasalukuyan, mabuti ang tunguhin ng pag-unlad ng relasyon ng Tsina at ASEAN. Ang susunod na taon ay Ika-30 Anibersaryo ng Pagkakatatag ng Relasyong Pandiyalogo ng Tsina at ASEAN, kaya patuloy aniyang buong tatag na susuportahan ng Tsina ang konstruksyon ng ASEAN Community at sentral na posisyon ng ASEAN sa kooperasyong panrehiyon.
Salin:Sarah