Ipinagdiinan nitong Sabado, Pebrero 1, 2020 ni Cao Yu, Pangalawang Presidente ng China Banking and Insurance Regulatory Commission (CBIRC), na tatagal ng maikling panahon at pansamantala lamang ang epektong dulot ng epidemiko ng bagong coronavirus sa merkadong pinansiyal ng Tsina.
Sinabi ni Cao na matapos sumiklab ang kalagayang epidemiko, agarang kumilos ang mga organo ng bangko at seguro ng Tsina para pabutihin ang mga gawain at serbisyong pinansiyal sa paggarantiya ng pagkontrol at pagpigil ng kalagayang epidemiko.
Aniya, ayon sa di-ganap na estadsitika, hanggang Enero 31, umabot sa 1.4 bilyong Yuan ang kabuuang donasyon ng mga organo ng bangko at seguro ng buong bansa.
Dagdag pa niya, ang pamilihang pinansiyal ay apektado ng maraming uri ng elemento, at normal lamang ang paggalaw na ito sa mga negatibong epekto.
Salin: Lito