Ayon sa pahayag ng lunsod Wuhan, probinsyang Hubei ng Tsina, episentro ng epidemiko ng bagong coronavirus (2019-nCov), tinatayang magkahiwalay na matatapos Pebrero 2 at 5 ang konstruksyon ng Huoshenshan at Leishenshan hospitals.
Magsisimulang tatanggap ng mga maysakit ang Huoshenshan mula Pebrero 3, na magkakaloob ng mahigit 2,500 higaan.
Nagsimula ang konstruksyon ng Huoshenshan Hospital noong Enero 23, at 10 araw lamang ang kinailangan upang matapos ito. Para naman sa Leishanshan Hospital, sa loob lamang ng 5 araw, 60% na itong kumpleto.
Bagama't pansamantalang ospital, gagamitin ng nasabing dalawang ospital ang mga modernong teknolohiya at kasangkapan para makapagbigay ng mabuti at ligtas na kondisyon para sa mga tauhang medikal at maysakit.
Salin: Lito