Nitong ilang araw na nakalipas, isinasagawa ng Tsina ang mga hakbangin, para pabilisin ang paggawa ng mga kagamitang medikal na kinakailangan para sa paglaban sa epidemiya ng novel coronavirus, at igarantiya ang suplay ng mga materyal para sa pang-araw-araw na pamumuhay sa mga lugar na grabeng apektado ng epidemiya.
Pagkaraang sumiklab ang epidemiya, muling tumakbo ang mga pabrika ng maskara, protective suit, at disinfectant, na nakabakasyon sa Chinese New Year. Sa kasalukuyan, unti-unti silang bumabalik sa normal na production capacity.
Samantala, sa pamamagitan ng mga "green channel," inihahatid mula sa iba't ibang lugar ng Tsina ang mga pagkain patungo sa lalawigang Hubei, episentro ng epidemiya.
Sa kasalukuyan, maalwan ang suplay ng mga pagkain at gasolina sa Wuhan, punong lunsod ng Hubei. Pero, kulang pa rin ang maskara, protective suit, disinfectant, at iba pang kagamitang medikal.
Salin: Frank
