Inilabas kamakailan ng Shanghai Institute for International Studies ang ulat na pinamagatang "Coronavirus Battle in China: Process and Prospect."
Detalyado nitong inanalisa ang progreso ng pagpuksa ng Tsina sa epidemiya ng novel coronavirus (2019-nCov), posibleng epekto ng epidemiya, at mga katugong hakbangin.
Ayon sa ulat, layon ng pagsasagawa ng kuwarentenas ng pamahalaang Tsino sa lunsod ng Wuhan, episentro ng nasabing epidemiya, na pigilan ang pagkalat ng epidemiya.
Anito, ang ganitong agarang aksyon para sa kalusugang pampubliko ay walang katulad sa kasaysayan, at nagpapakita, na ang Tsina ay isang responsableng malaking bansa.
Kaugnay ng epekto ng epidemiya sa kabuhayang Tsino, tinukoy ng ulat na posible itong magdulot ng direktang impakt sa ilang industriyang kinabibilangan ng serbisyo, industriya ng pagyari, at kalakalan.
Samantala, sinabi rin ng ulat, na sa maikling panahon, paborable ang naging bunga ng kasalukuyang epidemiya sa mga bahay-kalakal ng e-commerce, online game at libangan.
Sa pangmalayuang pananaw, bilang ika-2 pinakamalaking ekonomiya sa buong mundo, hindi mababawasan ang napakalaking nakatagong lakas ng Tsina sa mga bagong larangang ekonomiko na gaya ng kakayahan sa konsumo, urbanisasyon, 5G at artificial intelligence, saad pa ng ulat.
Salin: Vera
