Hinggil sa CRIHinggil sa Serbisyo Filipino
   

Pilipinas, suportado ang pagharap ng Tsina sa COVID-19: Locsin Kay Wang Yi

(GMT+08:00) 2020-02-20 09:38:21       CRI

Nagtagpo kagabi sa Vientiane, Laos sina Wang Yi, Kasangguni ng Estado at Ministrong Panlabas ng Tsina, at Kalihim Teodoro Locsin ng Kagawaran ng Ugnayang Panlabas (DOF) ng Pilipinas.

Pinag-usapan ng dalawang ministro ang hinggil sa magkakasamang paglaban sa epidemiya ng novel coronavirus (COVID-19).

Pinasalamatan ni Wang ang buong-tatag na suporta ng pamahalaang Pilipino sa Tsina laban sa COVID-19.

Nalaglag ang puso ng mga mamamayang Tsino sa lantarang pagkatig ni Pangulong Rodrigo Duterte sa Tsina, pagkondena ni Kalihim Locsin sa mga di-makatotohanang pananalita hinggil sa Tsina, at pagkakaloob ng donasyong pinansyal at materyal ng iba't ibang sektor ng Pilipinas sa Tsina, dagdag pa ni Wang.

Ipinakikita nito ani Wang ang malalim at matagal nang pagkakaibigan at kapatiran sa pagitan ng mga mamamayang Pilipino at Tsino.

Nananalig ang panig Tsino na sa pagsubok ng epidemiya, ibayo pang lalalim at lalakas ang pagkakaibigan at pagtitiwalaan ng Tsina't Pilipinas, diin ni Wang.

Pinasalamatan din ni Wang ang Pilipinas, na nagsisilbing bansang tagapagkoordina para sa ugnayan ng Tsina at Association of Southeast Asian Nations (ASEAN), sa pag-organisa para sa Espesyal na Pulong ng mga Ministrong Panlabas ng Tsina at ASEAN hinggil sa COVID-19, na idinaos ngayong araw, Huwebes, Pebrero 20.

Iniabot naman ni Locsin kay Wang ang liham ni Pangulong Duterte para kay Pangulong Xi Jinping ng Tsina.

Pumapanig ang Pilipinas sa pamahalaan at mga mamamayang Tsino, at hinahangaan ang buong-lakas na pagsisikap ng Tsina bilang tugon sa epidemiya ng COVID-19, diin ni Locsin.

Sa gitna ng kahirapan, nananatili at mananatiling kaibigan ng Tsina ang Pilipinas, aniya pa.

Sa ngalan ng panig Pilipino, ipinahayag din ni Locsin ang pasasalamat sa bukas-palad na tulong ng panig Tsino sa Pilipinas.

Nakahanda aniya siyang pasulungin ang pagkakaisa at pagtutulungang Sino-ASEAN sa kasalukuyang kritikal na panahon.

Magkasamang nangulo sina Wang at Locsin sa naturang espesyal na pulong.

Salin: Jade

Pulido: Rhio

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>