|
||||||||
|
||
Noong Pebrero 3, 2020, inilathala ng Wall Street Journal (WSJ) ang artikulong sinulat ni Walter Russell Mead, Propesor ng Bard College ng Amerika na pinamagatang "China Is the Real Sick Man of Asia" kung saan dinungisan ang ginagawang pagsisikap ng pamahalaan at mga mamamayang Tsino sa pakikibaka laban sa epidemiko ng Corona Virus Disease 2019 (COVID-19).
Kaugnay nito, ipinahayag nitong Miyerkules, Pebrero 19 ni Tagapagsalita Geng Shuang ng Ministring Panlabas ng Tsina, na ipinasiya ng panig Tsino na mula sa araw na ito, wala nang bisa ang mga press card ng tatlong mamamahayag ng WSJ sa Beijing.
Ani Geng, paulit-ulit na nagharap ng solemnang representasyon ang Tsina sa WSJ para ipaliwanag ang posisyon ng bansa.
Hiniling din aniya ng Tsina sa WSJ na alamin ang kamalian nito, bukas na humingi ng paumanhin, at imbestigahan at parusahan ang may kagagawan.
Ngunit, hanggang sa ngayon, wala pang anumang bukas at pormal na reaksyon mula sa WSJ.
Salin: Lito
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |