Sinabi ngayong araw, Biyernes, ika-21 ng Pebrero 2020, sa Beijing, ng opisyal ng Ministri ng Komersyo ng Tsina, na inilabas kamakailan ng ministring ito ang 20 hakbangin, para suportahan ang mga bahay-kalakal sa pagpapanumbalik ng produksyon, at patatagin ang kalakalang panlabas at puhunang dayuhan.
Ipinahayag ng opisyal ang pag-asang, ang mga hakbanging ito ay makakatulong sa mga bahay-kalakal sa pagharap sa kahirapang dulot ng epidemiya ng novel coronavirus disease (COVID-19), at pagbabawas ng epekto ng epidemiya sa komersyo.
Sinabi rin ng opsiyal, na ayon sa pagtaya, lilikha ang epidemiya ng malaking epekto sa kalakalang panlabas at paghihikayat ng puhunang dayuhan ng Tsina sa unang kuwarter. Pero aniya, nananatili sa loob at labas ng bansa ang mga positibong elemento, at dapat maging optimistiko sa pag-unlad sa dalawang aspektong ito sa buong taong ito.
Salin: Liu Kai