Batay sa mga kaukulang batas at regulasyon ng Tsina at aktuwal na kalagayan ng pagpigil at pagkontrol ng iba't-ibang lugar ng bansa sa Corona Virus Disease 2019 (COVID-19), isinaayos ng mga lugar ng Tsina ang emergency response level sa kalagayang epidemiko ng COVID-19.
Kabilang dito, ibinaba ng mga probinsyang gaya ng Shanxi, Yunnan, Guizhou, Liaoning, at Gansu, ang lebel ng emergency response sa pagkontrol at pagpigil sa kalagayang epidemiko.
Samantala, ayon sa pinakahuling datos ng Pambansang Komisyong Pangkalusugan ng Tsina, bago mag-hating gabi ng Pebrero 23, 2020, 409 ang bagong naitalang kumpirmadong kaso ng COVID-19 sa 31 probinsya (kabilang ang rehiyong awtonomo at province-level municipality) at Xinjiang Production and Construction Corps. Bukod dito, 150 ang karagdagang binawian ng buhay, at 620 naman ang bagong pinaghihinalaang kaso. 1846 katao ang karagdagang bilang ng mga gumaling.
Salin: Lito