|
||||||||
|
||
Nag-usap sa telepono Pebrero 26, 2020, sina Ministrong Panlabas Wang Yi ng Tsina at kanyang counterpart sa T. Korea na si Kyung-wha Kang. Ipinahayag ni Wang na nakahanda ang Tsina na ipagkaloob ang kailangang tulong para suportahan ang pamahalaang Koreano at mga mamamayan nito sa paglaban sa Corona Virus Disease 2019 (COVID-19).
Pinapurihan ni Wang ang mabilis at malakas na hakbanging isinasagawa ng T. Korea, at nananalig ang Tsina na tiyak na magtatagumpay ang bansa sa paglaban sa epidemiya.
Sinabi din niya na pagkatapos ng epidemiya, tiyak na magiging mas malalim ang pagkakaibigan ng dalawang bansa at mas bubuti ang kooperasyon sa iba't ibang larangan.
Ibinahagi naman ni Kyung-wha Kang ang mga hakbangin na isinasagawa ng T. Korea sa paglaban sa epidemiya, at nananalig siyang tiyak na makokontrol ang paglaganap ng epidemiya.
Umaasa siyang mas lalo pang lalakas ang kooperasyon ng T.Korea at Tsina para magkasamang harapin ang hamon.
Salin:Sarah
© China Radio International.CRI. All Rights Reserved. 16A Shijingshan Road, Beijing, China. 100040 |