Sa online news briefing nitong Huwebes, Pebrero 27, 2020, ipinahayag ng kaukulang namamahalang tauhan ng Ministri ng Komersyo ng Tsina na sa kasalukuyan, walang malawakang paglilipat ng supply chain at industry chain sa Tsina, dahil sa epidemiya ng Corona Virus Disease 2019 (COVID-19). Sa pangmalayuan at pangkalahatang pananaw, yugto-yugto at pansamantala ang epekto ng epidemiya sa supply chain at industry chain, at hindi magbabago ang mahalagang katayuan ng Tsina sa global supply chain at industry chain dahil sa epidemiya.
Ayon kay Zong Changqing, Direktor ng Departamento ng Puhunang Dayuhan ng nasabing ministri, na dahil sa epekto ng epidemiya ng COVID-19, nahadlangan ang transportasyon at logistics, may kakulangan sa yamang tao, at di sabay-sabay ang pagpapanumbalik ng operasyon sa magkakaibang lugar, bagay na nagbunsod ng mga kahirapan sa pagpapanumbalik ng operasyon at produksyon ng mga bahay-kalakal. Aniya, inilunsad na kamakailan ng kanyang ministri ang maraming hakbangin para mapasulong ang pagpapanumblik ng operasyon at produksyon ng industry chain. Unti-unting reresolbahin ang mga namumukod na problema sa proseso ng pagpapanumbalik ng operasyon ng mga bahay-kalakal na pinatatakbo ng puhunang dayuhan, dagdag ni Zong.
Salin: Vera