Sa katatapos na Munich Security Conference, sinabi ni Mike Pompeo, Kalihim ng Estado ng Estados Unidos, na "lubos niyang ipinagmamalaki ang pagkamatay ng transatlantic alliance. Nagtatagumpay ang mga bansang kanluranin. Natatamo namin ang kolektibong tagumpay."
Pero sa pananaw ng isang artikulong inilabas kamakailan sa pahayagang Guardian ng Britanya, hindi taos-puso ang nasabing pananalita ni Pompeo. Sa katunayan, walang kolektibong tagumpay sa pagitan ng Amerika at Britanya, sa halip, lumayo ang puso nila kahit mapagkaibigan ang pagharap.
Halimbawa, magkaiba ang pakikitungo ng Amerika at Britanya sa isyu ng 5G technology ng Huawei Technologies Co. Ltd ng Tsina, at kinansela na ang pagtatagpo ng mga lider ng dalawang bansa na nakatakdang idaos sa unang dako ng susunod na buwan. Sa pamamagitan ng lahat ng mga paraan, inilalagay ng Washington ang hadlang sa pag-unlad ng industriya ng hay-tek ng Tsina, at tinatangkang kidnapin ang kapakanan ng ibang bansa.
Pati rin ang relasyon ng Amerika at kontinenteng Europeo. Upang isakatuparan ang "priyoridad ng Amerika," sunud-sunod na pinatawan ng Washington ng unilateral na taripa ang mga trade partner sa Europa. Sa aspektong pulitikal naman, patuloy na ibinabagsak ng Amerika ang Unyong Europeo (EU). Tangka nitong sa pamamagitan ng paglapit sa mga bansa sa Gitna at Silangang Europa, mabawasan ang awtoridad ng EU sa pagtatakda ng mga alituntunin ng pag-aangkat ng enerhiya ng mga kasaping bansa. Sa isyung panseguridad, sa kabila ng kapakanan ng Europa, tumalikod ang Amerika sa Intermediate-Range Nuclear Forces Treaty, bagay na nakasira sa garantiya sa pagpigil sa nuclear arms race sa Europa.
Ayon sa katwiran ng kasalukuyang pamahalaang Amerikano, nakikinabang sa Amerika ang buong mundo. Nagiging masyadong bilib sa sarili, mapagmataas at banidosa ang ilang pulitikong Amerikano. Dahil dito napahamak nang napahamak ang Estados Unidos.
Salin: Vera
