|
||||||||
|
||
Sinabi Marso 4, 2020, sa regular na preskong idinaos sa Beijing, ni Zhao Lijian, Tagapagsalita ng Ministring Panlabas ng Tsina, na mahigpit na sinusubaybayan ng Tsina ang kalagayan ng Novel Corona Virus Disease 2019 (COVID-19) sa buong mundo.
Nananangan aniya ang Tsina sa ideya ng pinagbabahaginang kinabukasan ng buong sangkatauhan, at palalakasin ang kooperasyong pandaigdig sa paglaban sa epidemiya batay sa bukas, maliwanag at responsableng pakikitungo.
Sinabi ni Zhao na noong hapon ng Marso 3, idinaos ng Ministring Panlabas ng Tsina at Azerbaijan, Belarus, Georgia, Moldova, Armenia, Turkmenistan, at grupo ng mga dalubhasa ng Sekretaryo ng Shanghai Cooperaton Organization (SCO) ang video conference.
Dito aniya ay komprehensibong ibinahagi ng mga dalubhasang Tsno ang kalagayan ng epidemiya sa Tsina at karanasan ng Tsina sa paglaban sa epidemiya.
Isinagawa ng iba't ibang panig ang malalim na pagpapalitan, at sumang-ayong lalo pang palalakasin ang pagpapalitan ng impormasyon para magkakasamang mapangalagaan ang kaligtasan ng kalusugan ng rehiyong ito at buong daigdig, dagdag niya.
Sinabi pa ni Zhao na idinaos din ng Tsina at Unyong Europeo (EU) ang isa pang video conference upang malalim na pag-usapan ang gawain ng paglaban sa epidemiya.
Tinukoy ni Zhao na dapat magkakasamang tutulan ang "virus ng impormasyon" at "virus ng publiko."
Kahit walang anumang katibayan, sinabi ng ilang media na ang COVID-19 ay "virus na Tsino;" at ito ay di-responsableng pananalita, saad niya.
Ipinagdiinan niyang ang COVID-19 ay komong hamon na kinakaharap ng iba't ibang bansa ng daigdig, at ang magkakasamang pagsisikap ay siyang tumpak na kalutasan.
Salin:Sarah
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |