|
||||||||
|
||
Great Hall of the People, Beijing—Nakipagtagpo Martes ng hapon, Marso 17, 2020 si Premyer Li Keqiang ng Tsina kay Pangulong Arif-ur-Rehman Alvi ng Pakistan.
Saad ni Li, ang Pakistan ay matalik na kaibigan ng Tsina. Pagkaraang sumiklab ang epidemiya ng Corona Virus Disease 2019 (COVID-19) sa Tsina, agarang nagbigay-tulong sa mga mamamayang Tsino ang Pakistan.
Ani Li, nakahanda ang panig Tsino na ibahagi sa panig Pakistani ang karanasan sa pagpigil at pagkontrol sa epidemiya, ipagkaloob ang mga kinakailangang materyal ng paglaban sa epidemiya, at magkasamang harapin, kasama ng panig Pakistani, ang hamong dulot ng epidemiya.
Pinasalamatan naman ni Alvi ang ibinigay na tulong ng panig Tsino sa pagharap ng Pakistan sa kalamidad ng locust. Aniya, isinagawa ng Tsina ang komprehensibo't mabisang hakbangin sa pagpigil at pagkontrol sa epidemiya ng COVID, at natamo ang positibong bunga. Ito aniya ay mahalagang ambag sa paglaban ng buong daigdig sa epidemiya. Nakahanda aniya ang panig Pakistani na tularan ang karanasan ng Tsina, para magkasamang harapin ang hamong dulot ng epidemiya.
Nagpalitan din ng kuru-kuro ang magkabilang panig hinggil sa mga isyung panrehiyon at pandaigdig na kapuwa nila pinahahalagahan.
Salin: Vera
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |