Ipinahayag kahapon, Biyernes, ika-27 ng Marso 2020, ng Ministring Panlabas ng Tsina ang di-pagtanggap at pagtutol sa bukas na liham sa pamahalaang Tsino, na nilagdaan ng mga tagapaglathala ng New York Times, Wall Street Journal at Washington Post.
Sinabi ng naturang ministri, na ang mga hakbangin ng panig Tsino sa mga mamamahayag ng nabanggit na tatlong media outlet ng Amerika na nakatalaga sa Tsina, ay bilang tugon sa pagpapaalis ng pamahalaang Amerikano sa mga mamamahayag na Tsino sa Amerika at pagsasagawa ng mga restriksyon sa mga media outlet ng Tsina sa Amerika. Wala itong kinalaman sa pagkokober ng naturang mga mamamahayag na Amerikano sa epidemya ng Coronavirus Disease 2019 (COVID-19) sa Tsina, diin ng ministring ito.
Ipinahayag din ng panig Tsino, na tinatanggap ng Tsina ang pagtatrabaho ng mga dayuhang mamamahayag sa bansa, alinsunod sa mga batas at regulasyon. Hindi sila dapat magsagawa ng diskriminasyong ideolohikal sa Tsina, gumawa ng mga huwad na balita, at lumabag sa propesyonal na etika ng pamamahayag, dagdag ng panig Tsino.
Salin: Liu Kai