Inilabas nitong Sabado, Marso 28, 2020 sa website ng magasing "The Atlantic" ng Amerika ang artikulo ni Peter Beinart, Propesor ng Journalism ng The City University of New York, na pinamagatang "Trump's Break With China Has Deadly Consequences."
Tinukoy ng artikulo na sa harap ng pandemic ng Corona Virus Disease 2019 (COVID-19), ipinalalagay ng ilang pulitiko at comentator ng Amerika na dapat ihiwalay ng Amerika ang relasyon sa Tsina.
Pero sa katunayan, ang aral na dapat pulutin ng Amerika mula sa COVID-19 pandemic ay muling pagtatatag ng kooperasyong Sino-Amerikano sa larangan ng kalusugang pampulibko na sinira ng pamahalaan ni Trump.
Anang artikulo, binigyang-linaw ng corona virus ang dalawang katotohanan na salungat sa worldview ni Trump.
Una, sa isang daigdig na may malalimang pakikipag-ugnayan sa isa't isa, ang pagpapalakas ng kooperasyong ay makakabuti sa pangangalaga sa seguridad ng mga karaniwang Amerikano.
Ang pagpapalalim ng kooperasyong Sino-Amerikano ay lohikal na tugon sa mga napakalaking banta.
At ika-2, nagbago na ang pagkabalanse ng kaalaman at puwersa sa kasalukuyang globalisadong daigdig.
Nang sumiklab ang SARS noong 2003, naging guro ng Tsina ang Amerika.
Pero ngayon, buong pananabik na inaasahan ng mga doktor at siyentipiko ng Amerika kung paano pinagtagumpayan ng mga Chinese counterpart ang corona virus sa Wuhan.
Sa kalagayan ng COVID-19 pandemic, ang mga pagawaan ng Tsina ay magsisilbing arsenal ng pandaigdigang kalusugang pampubliko.
Kung gusto mong malaman ang mas maraming detalye hinggil sa nasabing artikulo, paki-klik ang link sa ibaba:
https://www.theatlantic.com/ideas/archive/2020/03/breaking-china-exactly-wrong-answer/608911/
Salin: Vera
