Kaugnay ng pagdududa ng ilang bansang gaya ng Pilipinas, Slovakia, at Netherlands sa kalidad ng mga kagamitang medikal mula sa Tsina, ipinahayag kahapon, Lunes, ika-30 ng Marso 2020, ni Tagapagsalita Hua Chunying ng Ministring Panlabas ng Tsina, na mabilis na tinugunan ng mga embahadang Tsino sa mga may kinalamang bansa ang isyung ito.
Anya, ayon sa inisyal na imbestigasyon, wala pang natuklasang problema sa mga kagamitang medikal na ipinagkaloob ng panig opisyal ng Tsina at binili mula sa kuwalipikadong tagapagsuplay na inirekomenda ng panig opisyal ng Tsina.
Sinabi ni Hua, na sa kasalukuyan, ipinahayag ng maraming bansa ang pangangailangan, upang bumili ng mga produktong medikal mula sa Tsina. Abalang-abala aniya ang maraming pabrika sa paggawa ng mga ito, para tulungan ang mga bansa sa pagliligtas ng buhay. Totoo ang katapatan at kagustuhan sa pagtulong ng panig Tsino, diin ni Hua.
Dagdag niya, kung may problema sa prosesong ito, umaasa ang panig Tsino, na maayos na lulutasin ang isyu batay sa katotohanan, at hindi gagawin ang interpretasyong pampulitika.
Salin: Liu Kai
