|
||||||||
|
||
Nangulo Marso 31,2020, si Premiyer Li Keqiang ng Tsina, sa Pirmihang Pulong ng Konseho ng Estado ng Tsina. Sa nasabing pulong, itinakda ang espesyal na pondo para sa mga lokal na pamahalaan na naglalayong palawakin ang mabisang pamumuhunan; palakasin ang suportahang pinansyal sa mga katamtaman at maliit na negosyo; palakasin ang patakaran ng pagtulong sa mga mahihirap na mamamayan.
Tinukoy sa pulong na kamakailan, ayon sa pag-dedeploy ng Komite Sentral ng Partido Komunista ng Tsina (CPC) at Konseho ng Estado ng Tsina, sunud-sunod na ipinalabas ang mga patakaran na buong lakas na magsusulong sa pagpapanumbalik ng produksyon. Sa kasalukuyan, mabilis na nagbabago ang kalagayan ng epidemiya ng COVID-19 at kalagayan ng kabuhayan at kalakalan sa daigdig, at ito'y nagdulot ng bagong hamon sa Tsina. Dapat isagawa ang iba't ibang hakbangin para magtagumpay sa kahirapan at igarantiya ang maayos na pamumuhay ng mga mamamayan.
Salin:Sarah
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |