|
||||||||
|
||
Ayon sa pinakahuling datos na isinapubliko nitong Biyernes, Abril 3, 2020 ng World Health Organization (WHO), lumampas na sa 1 milyon ang bilang ng kumpirmadong kaso ng Corona Virus Disease 2019 (COVID-19), at mahigit 50 libo ang namatay.
Nagbabala nang araw ring iyon si Tedros Adhanom Ghebreyesus, Direktor Heneral ng WHO, na para sa mga bansang maagang nagpaluwag ng mga restriksyon, possible silang maharap sa mas malubha at matagalang resesyong pangkabuhayan at muling malawakang pagkalat ng corona virus.
Palagiang ipinapahayag ng WHO na bagama't may masamang epekto ang mga isinasagawang hakbangin ng pamahalaan ng iba't-ibang bansa sa kanilang kabuhayan at lipunan, kinakailangan pa rin ang mga ito para sa pagpigil at pagkontrol sa epidemiya. Nagbabala ang WHO Director-General na huwag agarang paluwagin ang mga restrictive measures.
Salin: Li Feng
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |