CMG Komentaryo: Mike Pompeo, "isa sa pinakamasamang Kalihim ng Estado sa kasaysayan ng Amerika:" di-makontrol na ambisyon, dapat talikdan

Ayon sa ipinalabas na komentaryo kamakailan ng The Washingtong Post, "Simula noong Ika-2 Digmaang Pandaigdig, wala pang naging kalihim ng estado ng Amerika na kasing sama ni Mike Pompeo. Dahil sa kanyang mga hakbang kaugnay ng epidemiya ng Corona Virus Disease 2019 (COVID-19), siya ay naging isa sa mga pinakamasamang Kalihim ng Estado ng Amerika."

Sa kasaysayan ng Amerika, marami ang mga dakilang Kalihim ng Estado, na kinabibilangan nina Thomas Jefferson noong panahon ng pagtatatag ng Amerika, Henry Alfred Kissinger na nagbigay ng ambag para sa pagkakatatag ng relasyong diplomatiko ng Tsina at Amerika at iba pa.

Pero, sa termino ng panunungkulan ni Pompeo, bumulusok paibaba ang reputasyong itinatag ng mga dating Kalihim ng Estado ng Amerika.

Dahil sa pagsisinungaling, panlilinlang at pagnanakaw ni Pompeo, ang diplomasiya ng Amerika ay tumalilis sa baku-bakong daan.

Dahil kay Pompeo, umasim ang relasyon ng Amerika, Tsina, at Rusya; at naging di-kanais-nais din ang relasyon ng Amerika sa mga bansang kanluranin.

Sa panunungkulan ni Pompeo, tumatahak ang Amerika sa landas ng unilateralismo.

Matapos sumiklab ang epidemiya, tinawag ni Pompeo ang COVID-19 bilang "Wuhan Virus," at tinangka niyang ilagay ang "Wuhan Virus" sa pahayag ng pulong ng mga Ministrong Panlabas ng G7.

Ito ay malinaw na indikasyon, na sa kanyang paningin, ang epidemiya ay hindi madilim na pangyayari, at ito ay kasangkapan upang magtamo ng bentaheng pulitikal.

Sa kasalukuyan, lampas na sa 1.13 milyon ang kumpirmadong kaso ng COVID-19 sa buong mundo, at lampas din ng 330,000 ang kumpirmadong kaso sa loob ng Amerika.

Si Pompeo ay "isa sa pinakamasamang Kalihim ng Estado ng Amerika," at nararapat niyang talikdan ang di-makontrol na ambisyon.

Salin:Sarah