Kahapon, Biyernes, ika-10 ng Abril 2020, nakipagpalitan ng liham si Pangulong Xi Jinping ng Tsina kay Pangulong Alberto Fernandez ng Argentina, at nakipag-usap din sa telepono kina Pangulong Nicolas Maduro ng Venezuela at Pangulong Andres Manuel Lopez Obrador ng Mexico, tungkol sa pagtulong sa mga bansang ito sa paglaban sa COVID-19.
Sa ngalan ng pamahalaan at mga mamamayan ng Tsina, ipinahayag ni Xi ang pakikiramay at pagsuporta sa pamahalaan at mga mamamayan ng naturang tatlong bansa, sa harap ng epidemiya ng COVID-19. Ipinagkaloob na aniya ng Tsina sa mga bansang ito ang mga tulong na kagamitang medikal, at ibinahagi rin ang mga karanasan sa pagpigil at pagkontrol sa sakit na ito. Patuloy na gagawin ng Tsina ang mga hakbang na ito, bilang tulong sa kanila sa paglaban sa COVID-19, dagdag ni Xi.
Ipinahayag naman ng mga lider ng naturang tatlong bansa ang pasasalamat sa Tsina sa pagtulong at pagsuporta. Sinabi rin nilang, karapat-dapat na tularan ang mga karanasan ng Tsina sa pagpigil at pagkontrol sa COVID-19.
Salin: Liu Kai