Nag-usap sa telepono Abril 14, sina Pangulong Xi Jinping at Pangulong Sauli Väinämö Niinistö ng Finland.
Ipinahayag ni Xi, sa ngalan ng pamahalaan ng Tsina at mga mamamayang Tsino, ang matapat na pakikiramay at buong tatag na suporta sa pamahalaan at mga mamamayan ng Finland sa paglaban sa COVID-19.
Idinaos ng Tsina at mga bansang Europeo, na kinabibilangan ng Finland, ang video meeting hinggil sa paglaban sa epidemiya. Ipinahayag ni Xi na nakahanda ang Tsina na patuloy na makipagpalitan sa Finland ng mga karanasan sa pagpigil ng epidemiya, para tulungan ang Finland na lutasin ang mga kahirapan na tulad ng kakulangan ng kagamitan. Nananalig ang Tsina na sa pamamagitan ng magkakasamang paglaban sa epidemiya, tiyak na nagiging mas malalim ng pagkakaibigan ng dalawang bansa.
Ipinahayag ni Niinistö na sa kasalukuyan, kinakaharap ng Finland ang mahigpit na epidemiya. Nagsisikap ang mga mamamayan ng Finland para labanan ang virus. Ang pagbabahagi ng mga karanasan ng Tsina ay nakakabuti sa Finland. Pinasalamatan ng Finland ang Tsina na nagkaloob ng suporta at tulong na medikal at materyal sa Finland.
Salin:Sarah