Dahil sa epekto ng COVID-19 pandemic, umabot sa mahigit 20.6 trilyong yuan (halos 3 trilyong Dolyares) ang Gross Domestic Product (GDP) ng Tsina noong unang kuwarter ng taong ito. Bumaba ito nang 6.8% kung ikukumpara sa gayun ding panahon ng nagdaang taon.
Ito ay inilabas ngayong araw, Biyernes, ika-17 ng Abril 2020, ng Pambansang Kawanihan ng Estadistika ng Tsina.
Ayon pa rin sa estadistika, noong nagdaang Marso, 5.9% ang surveyed unemployment rate sa mga lunsod at bayan ng Tsina, na mas mababa nang 0.3% kung ihahambing sa datos noong Pebrero ng taong ito. Ipinakikita nitong medyo bumuti ang kalagayan ng paghahanapbuhay sa Tsina.
Salin: Liu Kai