Ang pagbabaling ng sisi sa Tsina ay nagsisilbing isa sa mga patakaran ng pamahalaang Amerikano sa pakikibaka laban sa pandemic COVID-19.
Ayon sa ulat nitong Biyernes, Abril 24 ng "Politico," political news website ng Amerika para patnubayan sa panlilinlang ng mas maraming Republican Party candidates, inilabas noong Abril 17 ng National Republican Senatorial Committee (NRSC), campaign organ ng partidong ito ang memo na may 57 pahina kung saan nakasaad kung paano atakihin ang Tsina habang hinaharap ang mga kaukulang mahihirap na isyu at situwasyon.
Ayon sa "Politico," si Brett O' Donnell, beteranong Strategist ng Republican Party, ang may-akda ng nasabing memo.
Iminungkahi ng nasabing memo sa mga Republican Party candidates na dapat harapin ang mga opinyong publiko na dulot ng COVID-19 sa pamamagitan ng aktibong pag-atake sa Tsina.
Kabilang sa mga estratehiyang ito ang mga detalye kung paano i-uugnay ang mga Democratic Party candidates sa panig opisyal ng Tsina, hanggang sa kung paano haharapin ang akusasyon ng rasismo.
Ipinagkaloob ng manunulat ang tatlong pangunahing paraan ng pag-atake na kinabibilangan ng pagdungis sa Tsina dahil sa di-umano ay "paglilihim" sa corona virus na nagbunsod ng pagsiklab ng pandemiya, pagiging "labis na mabait" ng mga Democrats sa Tsina, at pagpapasulong ng plano ng pagbibigay-sangsyon sa Tsina dahil di-umano sa responsibilidad nito sa "paganap ng virus."
Bukod dito, mayroon pang isang nakakatuwang pangungusap sa nasabing memo na "bukod sa pagbanggit sa naunang travel ban sa Tsina, huwag depensahan si Donald Trump, atakihin lamang ang Tsina."
Salin: Lito
