Hinggil sa CRIHinggil sa Serbisyo Filipino
   

CMG Komentaryo: Tagumpay ng Tsina kontra COVID-19, dahil sa prinsipyong "para at nakadepende sa mamamayan"

(GMT+08:00) 2020-04-27 11:25:13       CRI

Abril 24, 2020, naging zero ang bilang ng mga malubhang kaso ng Corona Virus Disease 2019 (COVID-19) sa lunsod Wuhan, probinsyang Hubei ng Tsina; samantalang, noong Abril 26, wala nang natitirang kaso ng COVID-19 sa mga ospital sa nasabing lunsod. Makaraan ang napakalaking pagpupunyagi, natamo ng mga mamamayang Tsino ang malaking tagumpay sa pagpigil at pagkontrol sa epidemiya.

Bakit nagtagumpay ang Tsina sa loob lamang ng maikling panahon? Simple lang ang sagot: ang lahat ay isinakatuparan "para, at nakadepende sa mga mamamayan."

Mula nang sumiklab ang epidemiyang ito, palagiang tinutukoy ni Xi Jinping, Pangkalahatang Kalihim ng Komite Sentral ng Partido Komunista ng Tsina (CPC), na ang pagpigil at pagkontrol sa epidemiya ay "digmaan ng mga mamamayan kontra virus." Sinabi niya na "ang mga mamamayan ang tunay na bayani."

Kung ating babalik-tanawin ang digmaang ito, makikita ang dalawang "lugar ng labanan:" una, ang pakikibaka ng Tsina laban sa epidemiya sa mga ospital at kapitbayahan; at ikalawa, ang pagkakaisa, pagpupunyagi, sakripisyo, at patnubay ng pamahalaan.

Sa ilalim ng patnubay ni Xi, at mabilis at matatag na desisyon ng Komite Sentral ng CPC, mabilis na kumilos ang buong bansa at agarang nagamot ang mga maysakit. Isinagawa ng buong Tsina ang mga sistematiko at kumpletong hakbangin na naging pinakamagiting, pinakamabilis, at pinakapositibo sa kasaysayan.

Ang mga karaniwang tao sa iba't-ibang sirkulo ng lipunang Tsino na tulad ng mga trabahador sa mga kapitbahayan, boluntaryo, at manggagawa sa mga pabrika, ay nanatiling tapat at nagpunyagi sa kani-kanilang posisyon, bagay na nagbuo ng napakalakas na puwersa sa pagtatagumpay kontra virus. Sila ang talagang pangunahing bahagi ng tagumpay sa epidemiya.

Sa kasalukuyan, unti-unti at matatag na umaahon ang Tsina mula sa kahirapang dulot ng epidemiya, at pinabibilis ang pagpapanumbalik ng kabuhayan at lipunan. May kompiyansa at kakayahan ang Tsina sa pagsasakatuparan sa hangarin ng komprehensibong pagtatatag ng may-kaginhawang lipunan sa kasalukuyang taon.

Ang prinsipyong "ang lahat ay para at nakadepende sa mga mamamayan" ay susi at sandigan ng Tsina sa pagtatagumpay laban sa lahat ng kahirapan. Ito rin ay di-nauubos na lakas ng Tsina sa pag-abot sa nakatakdang layon.

Salin: Lito

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>